職場慧眼|此地留不留(張慧敏)

更新時間 (HKT): 2021.05.05 13:03

「Son姐,進退兩難想問問你意見。份工做咗差唔多10年,近2年老細對我諸多挑剔,成日攞我同其他同事比,人地嗰個做得好過我,小事化到無限大。呢度唔會有發展機會,士氣亦冇之前好,有小撮人鐘意玩小圈子,咁既情況我係咪應該要走?我有搵工,但hit rate低,未試過未搵到工就走,困難係我唔知走咗先幾時搵到新工。」

你老細做到如此出面,公然唔妥你,你亦清楚知道留低冇運行,是否應該要走,答案顯而易見,我絕對相信你知,還需要問我意見?進退兩難的不是你的處境,是你的思想心態性格,造成的困境。反過來說,你老細如此對待你,你依然繼續留低,睇死你走不了冇勇氣走,他的態度只會越來越差,甚至變本加厲,實屬正常。

你問我的問題,不是是非題,亦不是對錯題,是個選擇題。醜話說在前頭,以前的我,一定罵你一個過狗血淋頭,是你自己做的選擇,有什麼好難過難受埋怨?自欺欺人,永遠只能自欺欺不了人,能夠欺負你,是因為你接受被欺負。你不是受害人,更加不是被困,認清楚事實,一切是你自己的選擇造成的結果後果。

你哋老細玩了兩年,你說期間找工作命中率低,你有沒有好好反省過原因?有沒有努力提升自己增加自己的能力和競爭力?反過來說,你老細唔妥了你兩年,依然唔炒你,只是繼續話你逼你走,明明不舒適的舒適圈你依然留戀,我相信因為你有留戀的條件,只要你唔走,你老細要炒你,應該不是一件容易的事。否則炒你唔使擇日子,話知你搵到新工未,一樣要執包袱走。

你的做人做事心態思維作風一日不改,即使你成功搵到新工,情況都不會有甚麼改變,無限輪迴算這種。你要繼續裝睡,誰都叫不醒你。恕我失陪!

-----------------------------

蘋果App大升級 更簡潔更就手!了解更多立即下載體驗

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner