電子消費券|陳茂波:不會分5期發放 但不能夠一次過派發

更新時間 (HKT): 2021.05.08 11:30

政府計劃派發5,000元電子消費券,財政司司長陳茂波今早出席電台節目表示,聽到不同市民意見,所以電子消費券不會再分五期發放,表明但不能夠一次過派發;同時亦會延長消費券使用期限,有機會可予市民留至新年時「辦年貨」。

陳茂波在商台節目《政經星期六》表示,市民對於發放期數有很多意見,所以不打算分5期發放,「譬如有啲朋友講:『你唔好咁濕碎啦,做咩分五期,你早啲俾券我,我去買件大啲嘅電器都得,唔使等咁耐。』呢個係一個訴求。但同時間,我都記得預算案第二日做phone-in,亦都有市民打入黎,『陳生你唔好要我哋每個月使晒啲錢,你畀我長少少時間,等我有彈性啲。』咁我覺得都係有道理。」不過他亦表示,「因為唔同營運商,佢個技術唔一樣,咁我哋考慮埋呢樣時,個總原則就係唔好分咁多期,但係你叫我一次過出晒落去又唔得,咁盡量少啦個期數。」

會延長消費券使用期限

他亦表示會延長電子消費券使用期限,「個期限盡量有彈性啲,延長少少,如有啲人要頭兩三個月使晒佢又得,你想分長啲,好幾個月用,都有咁嘅彈性。」被問到能否將不同期數之消費券累積使用,他表示不同工具技術不一,因此處理時有所不同,「但有一點請大家放心,一定會盡量畀時間你使到,就唔會讓你蝕底嘅。」他指出若然有市民希望將消費券延至過年時使用,「有得諗嘅。」

陳茂波預計,暑假初期可接受市民申請,如果使用電子渠道登記,有信心可於暑假內發放到第一期的電子消費券,如果是以表格放申請,則需要較多時間才可收到,政府亦會設立不同地點收取表格,但鼓勵市民使用電子登記。

至於營運商會否收取商戶收續費,他則表示已要求營運商盡量不收取,但如果不能不收,亦應盡量少收。賺取到的利益需回饋予商戶。

政府早前公佈入圍電子消費券計劃的儲值支付工具(SVF)營運商,包括騰訊(700)WeChat Pay HK、阿里巴巴(9988)及長和的(1)AlipayHK、多間運輸機構以及港鐵(66)持有的八達通以及由香港電訊(6823)持有的Tap & Go拍住賞。但較多香港人使用的PayMe則大熱倒灶。

另外,陳茂波於節目中亦提及消費數字,按年比3月增加兩成,但認為是「因為基數低,同2019年比都係未返返去,仲差好遠,展望未來,不適宜太樂觀。」他表示,預算案時估計,今年經濟增長約3.5%至5.5%;若疫情受控,與內地通關,國際往還恢復,今年經濟增長有機會近5%,但仍要觀察多一至兩個月,才可決定是否調整今年經濟增長預測。

他表示本月會就新一輪iBond舉行記者會,額度方面會再擴闊,利率不會差得過上次,細節有待公佈。2020年,港府推出第七批iBond,保底息率已由過去的1厘增至2厘。

-----------------------------

蘋果App大升級 更簡潔更就手!了解更多立即下載體驗

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner