【Second Life】八二折網購火險攻略 - 杜夫人

更新時間 (HKT): 2021.05.10 02:00
■One Degree的火險計劃,呢幾日做緊九折,再加埋livi 8%回贈,CP值高。 互聯網圖片

話說英國金融科技公司Curve日前宣佈與Cardlytics合作,為用戶提供高達20%的in-app回贈計劃。

先講眾安銀行高達200%消費回贈抽獎,即時入賬,即時收息;WeLab Bank最近按商戶類別提供回贈,買包、買蛋糕滿20蚊或以上,一律賺10蚊現金回贈,商戶清單好長,睇吓有無你想幫襯的良心店啦。

mox最近推出mox credit,用food panda叫外賣有10%回贈,逾三十間商戶有5%回贈,無上限回贈則保留1%(呢度一提,杜sir拍廣告真心正);但銀行下月起會削減無上限Cashback,現金回贈比率由1%削至0.5%。至於,網購用livi是常識吧?現時的8%現金回贈優惠應該冠絕虛銀(每月上限300元)!

呢度分享一下,筆者家人原先經銀行買的火險(樓宇結構保險)即將到期,年保費1,500元。若重新投保,銀行網上報價基本計劃盛惠1,800元,全面保障索價2,700元。最終筆者揀咗虛擬保險One Degree的火險計劃,以物業按揭餘額大約330萬元計,年保費大約960元,呢幾日做緊九折,再加埋livi 8%回贈,網上報價、申請及付款後,其他事由公司待勞,CP值高,可以一戰,同坊間比,唔止八二折咁少啦!

嚴重離題,講返Curve。公司勝在是一間all-in-one card provider,香港未見到。大可理解Curve為一個集合扣賬卡和信用卡的電子錢包,從此以後,只需要帶住Curve卡,記住一個密碼就ok,特別在佢有個「時光倒流」功能,消費後可以在90日獲得一次重新揀找數卡的機會。最近仲有個「避免尷尬mode」(anti-embarrasment mode)功能,就是set up後備找數卡,避免default卡因為種種原因過唔到數而出現的尷尬場面。

另外,公司宣佈同Cardlytics合作,仲包括聲稱可以透過根據數據分析,預測用戶消費習慣,繼而推薦個人化優惠,外國金融科技的創新令人大開眼界,世界、未來應該是屬於勇於創新的年輕人的。

杜夫人

fb.com/mrsmarydoo

關心你飯碗,貼近你生活,即Like「蘋果ATM」FB專頁!
BannerBanner