施永青:波叔畀定爽手

更新時間 (HKT): 2021.05.16 02:00
■施永青指波叔生前與代理熟稔,做生意有口齒,畀定金亦爽手。

【本報訊】中原集團創辦人施永青憶起認識波叔的經過:「我70年代尾出道時,佢(鄧成波)喺地產已有一定地位。最初開《成功車行》買賣二手車,之後買住宅,後期才買舖位。記得做前線時,曾經送定(定金)去佢屋企,當時買大圍世界花園。」

多年來佣金逾億元

施永青指,波叔與代理熟稔,做生意有口齒,畀定金爽手。「當時中原名不見經傳,不過波叔講好價錢就簽,唔會反價。有啲業主見你送定會搲多口價,但係波叔唔會。」

施永青指,當年業主賣樓可免佣,中原是少數收業主佣金的代理,好多時遇到不肯付佣或要減佣,有波叔一類業主願付佣才變成行規。施透露多年前與波叔食飯,被問為何不買貨投資:「佢幫襯啲經紀買貨,通常經紀老細會自己入貨,令波叔感覺「執二攤」好無癮。」施回應:「我唔係唔買,買貨係個人投資,唔係公司業務,我冇咁熟行情,經紀畀我睇都嘥氣。」

他指,早年買舖投資被波叔笑「眼光唔好」,認為投資非強項。由於自己甚少「買埋一份」,令波叔覺得跟他買貨比較多筍盤。施補充,幾十年前買樓只數十萬元,佣金賺幾千蚊。後期波叔越買越貴,中原曾經他手上簽成過千萬元佣金的deal,多年來佣金合共超過一億元。

關心你飯碗,貼近你生活,即Like「蘋果ATM」FB專頁!
BannerBanner