【中環在線】施永青獻計谷生育 倡限制避孕

更新時間 (HKT): 2021.05.18 02:00
■施永青話要解決生育率下降,必須對個人主義嘅某些主張進行一定壓抑。

今時今日嘅政經環境,嚇窒咗唔少人生仔嘅意願,好多發達國家都有生育率下跌危機。中原集團創辦人施永青就喺《AM730》專欄獻計,建議當市民完成最基本嘅生育責任,例如生育兩個孩子後,先有權使用避孕產品,唔知佢會否上書國家領導人解決內地人口老化危機呢。

施永青喺專欄中寫道:「我們的DNA為性行為提供強烈的快感,目的是要我們拼命生育,但避孕科技卻協助我們只要性愛的快感,而毋須承擔性愛的後果。」佢更指由種族角度去睇,咁樣係「大逆不道」。他覺得要解決生育率下降,必須對個人主義嘅某些主張進行一定壓抑,並將種族延續視為每個人都要承擔嘅責任。

施永青話晒生咗3個仔女,華華都欣賞佢咁有「承擔」。不過,避孕產品仲有其他醫學用途,呢啲咁「前衞」嘅諗法,華華睇完得啖笑就算了。

李華華

LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
BannerBanner