CanBank|沒有波叔的波仔(散子)

更新時間 (HKT): 2021.05.24 18:00

波叔今個月中逝世,跟佢搵食嘅代理都講過,波叔人好,唔少代理都受過佢嘅恩惠,唔多唔少都有點懷念之情。不過,正如波仔所講,由於死得突然,外界對於佢百億商業王國如何處理更感興趣。

爭產是有條件,逝世者死得突然係其中一個(未有足夠時間處理好財產分配),有夠足財產承繼侯選人,波叔兩段情五個仔(唔知有無其他受養人),亦都滿足到這個條件;是否已立遺囑,甚至有幾多份遺囑,都係可以成為爭拗點,最重要當然是有產可爭。

波叔一向有個上市夢,希望可以將旗下業務上市,這個夢早在24年前,1997年,亞洲金融風暴都未出現之前,次次都臨門一腳,出現金融危機而告吹,直至近年才先後入主易通訊(8031)及松齡護老(1989)兩家上市公司,不過家族生意亦在疫情下傳出現財困。雖然細仔鄧耀昇一直被視為接班人,但亦屢傳出波叔頻頻為兒子出山撲水還債,目前財產分配是否已令各人滿意仍是未知之數。

過往不少豪門爭產案,這些爭產可以在故人逝世時,甚至幾十年後才出現(矛頭指向信託受託人),近年財困消息,加上網站變色等,波仔經營生意能力對外界而言,說服力不高,但若作為一盤非上市的家族生意,家族信任比起市場信任來得更重要,分分鐘成為會否鬧上法庭的觸發點。

散子

-----------------------------

蘋果App大升級 更簡潔更就手!了解更多立即下載體驗

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner