市況逆轉「財經台巴打」跌落凡間

更新時間 (HKT): 2021.05.24 02:00
■財經台巴打堅信自己選的都是好股,「SH(長揸)必勝」,誓要成為真正「連登股神」。

【本報訊】在去年的大牛市中,連登人人都是股神,不過近期「契媽股」、Tesla等熱炒股一蹶不振,大批「牛市股神」已經一手蟹貨,自行潛水,不過被封為「牛市股神」一員的「財經台巴打」,堅信自己選的都是好股,「SH(長揸)必勝」,誓要成為真正「連登股神」。

「財經台巴打」最初以10萬元本金短炒中概股,以每股3元買微盟(2013),於10元左右勁賺兩倍後沽出,再轉炒物管股,將資金滾至50萬元。其後加注50萬元炒富途、深圳壹賬通智能科技(OCFT)等美股,高峯期賬面賺7倍。

財巴倉位賬面曾達500萬元,經常發帖分享投資心得、選股意見,由於往績彪炳,經常有巴打問他拎「字母」,問他哪隻美股值得入手。不過近期資金輪動,他推介的多隻股都插水,包括電動車充電站(TPGY )、在台排第二的半導體公司聯華電子,以及「契媽」旗下ARKG。

未有大幅減倉打算

4月時倉位已跌至350萬元,他直言已經由「股神」降格為「牛市股神」,晚了回覆網民就會被問「係咪去咗跳樓」,跟他買股票的又留言要求他還錢。但他仍抱有盼望:「希望(長遠)都保持到,打甩呢個負面嘅名。有信心我嘅經驗可以再進一步,下次牛市我再做股神都得。」

財巴指由於股價插水,令槓桿比率飆高,持倉已經變成180%,但他並未有大幅減倉的打算,「我做足晒research,知道佢長遠會好成功,十年後睇返咩價位都係低位。騰訊(700)2008年都跌過五成,只要你選啱好股,唔走唔係問題。」

他期望成為真正「連登股神」,但坦言對部份連登仔反感,「少少嘢就會俾人插,但講得保守啲又會俾人話戴頭盔。同埋好多人根本無貨,喺度亂噏。」又批評不少連登仔做「伸手黨」,對自己的倉不負責任,「問咗人一句就衝去買,贏就多謝樓主,蝕就鬧。其實我答咗你,你點操作先,呢個好睇自己實力。」

關心你飯碗,貼近你生活,即Like「蘋果ATM」FB專頁!
BannerBanner