冰說聰明|五月不窮,六月不絕?(青冰)

更新時間 (HKT): 2021.05.26 17:19

青冰十幾年前初入行,「五窮六絕七翻身」,算是其中一個最入腦的hashtag,其餘的仲有十月股災、丁蟹效應及基金經理放暑假等等,估唔到十幾年後,五窮月仍深印在新一代投資者的腦海中。現時五月即將完結,指數先低後高,少少地升幾百點,表現一般啦,但在所謂的五窮月,都收貨吧,整體市況也不太差,醫美股、醫藥股及消費股都好強勢,今星期連券商股都起舞,美國科技股在月初時也有一輪虛驚,但嚟到月尾又變返乜事都冇,唯一一個資產在本月令人窮的,相信就是以比特幣為首的一眾虛擬貨幣。

月初時曾跟朋友傾過五窮月這個話題,大家都找過近十年的倉位數據,赫然發現原來大家在五月的表現普遍不錯,輸錢的次數只有兩次,雖然股市可升可跌,往績並不代表將來,但都係一種幾好的心靈雞湯,踏入五窮月後要小心行事,盡量細細注大大聲,分散投資減低風險,現時事後孔明回看,頂,如果大注啲就爽歪歪啦。

五月不窮,自然會令大家對六絕月放下戒心,尤其是近日股市氣氛轉熱,資金湧入掃起A股,港交所(388)作為港股寒暑表,都忽然靚仔返晒。但提醒返大家,全球疫情現時來到中後段,新經濟股受多項不利因素夾擊,率先倒下,但其實舊經濟累積升幅亦都唔少,青冰認為已經進入了較難玩的階段,以往隊新經濟股,舊經濟股多數都會逞強,但你睇返昨天中遠海控(1919)、阿里健康(241)、京東健康(6618)及金山軟件(3888)等,無分新舊同時下挫,相信六月都會繼續咁玩,各自各精采,不會齊上齊落。現時市場最驚都係收水,所以在下周五出非農數字前,逐步減倉應是上策,至於那些擾亂思維的hashtag,不要再信喇。

--

Fb個人專頁 http://www.fb.com/chingbing888

-----------------------------

蘋果App大升級 更簡潔更就手!了解更多立即下載體驗

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner