【智取大市】中央唱淡逆向思維 - 晉佳

更新時間 (HKT): 2021.06.04 02:00
■京東物流屬物流界科技股,傳統物流行業難以與之匹敵,有望成為呢個市況跑出嘅一員。互聯網圖片

恒指連跌兩日,中央前幾日發表人民幣貶值言論,內銀內險連帶主流科技股連日走弱,拖累指數下跌,但中央夠膽死唱淡人民幣,證明佢好有信心人民幣係唔會跌,人幣穩,潛台詞係整體大市危險極有個譜。6月內似乎維持個股、板塊兩走極端嘅情況,形成WSB炒上、醫美股前排炒到癲。

瑞聲(2018)強勢突破50元大關,大戶基金盤係咁掃,皆因低估值、重拾增長嘅科技股係滄海遺珠,基本上喺港股難覓另一個選擇,基金展開抱團追貨過程。

京東物流(2618)亦係呢個市況可能跑出嘅一員,物流界科技股,除咗高科技融入物流服務之外,亦透過科技為企業客戶提供供應鏈管理、上游服務,亦坐擁龐大數據,提升服務水平,由一間公司入貨、去到出貨、以至存貨管理等等,都可以關佢事,服務對象係數以萬計嘅企業。傳統物流行業難以匹敵,註定京東物流進入搶生意階段。

上述兩股具長線持有價值,但目前市況只係相對安全,拉遠啲後市始終風高浪急,持有兩隻股嘅話,一係分注買,一係持貨途中要醒目避開類似舊年3月嘅市況,策略自決。

晉佳

fb.com/advanceguy1

關心你飯碗,貼近你生活,即Like「蘋果ATM」FB專頁!
BannerBanner