是日必炒|瑞聲終於破位(譚朗蔚)

更新時間 (HKT): 2021.06.04 08:21

恆指終於都來到29,268點的3月份區間頂,似衝穿又唔衝穿咁,非常曖昧。假如你問:佢何德何能可以升穿呀?我會話:是着著A股的強勢吧?假如你問:咁佢有乜可能又唔跟?我會話:騰訊(700)美團(3690)同阿里巴巴(9988)囉。不是嗎?單是「ATM」這三隻股份,已經可以主宰恆指和科指。依家騰訊和美團已經返回區間,但是巴巴仲沉淪緊。好老實,靠晒佢地真係蛇都死。

上兩周同大家推介的小米(1810)同網易(9999)先係靠得住,起碼磨了成個星期依然企穩在區間頂。今日同大家講多隻持續轉強的科技股,是瑞聲科技(2018)。手機股近日有炒作:舜宇光學(2382)、信利(732)紛紛破位。瑞聲在上月中發布的季績改善,期內純利升了9倍,收入升近3成,最最最緊要是下降多時毛利率回升了11個百分點。種種跡象顯示:集團的基本面全面回升。

股份自去年9月至今一直在低位橫行,同舜宇差天共地,還在49元形成了四重頂,終於在本周衝穿。關注返資金流方面,1、2月的雙頂資金是流出的,而4、5月的雙頂資金就流入,可見勢頭係真正的改善。隨著股份突破49元的阻力,粉絲們可於現價買入,先上望去年7、8月的雙頂頸線53元,之後再看60元,跌穿46元止蝕。提提大家:股份可以走多遠,還得看恆指是否配合。

-----------------------------

蘋果App大升級 更簡潔更就手!了解更多立即下載體驗

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner