異動空間|滯脹惡化如何操作(魏力)

更新時間 (HKT): 2021.06.06 15:36
要遏止人仔再升,紓緩廠家經營壓力,阿爺近日做了兩件事:一、狂出口術遏商品炒風;二、加外滙準備金壓住人仔。

上星期人行調高外滙存款準備金,本周美國將公佈5月份通脹數據,兩者有何關連?背後的微言大意為何?對你的投資又有何影響?一切從中美的貿易夥伴關係說起。

一邊廂,中國是世界工廠,多年來壓住人仔,降低生產及勞工成本,向世界輸出價廉的貨品,賺取巨額外滙收入;另一邊廂,美國是中國貨品的最大出口地,廉價貨充斥壓低通脹,令金融海嘯後印錢十幾年來,通脹一直處於低水平。弱美元、低通脹,食盡兩家茶禮。

哪為何今年美國通脹開始飛升?兩個因素:一、經濟逐步重啟;二、人仔不斷升值。年初以來人仔對美金升1.7%,但由去年5月底計,更凌厲升值11.7%,為美國帶來輸入通脹。原材料價狂升(牽涉囤積居奇的炒賣因素),加上唔夠工人開工(後生仔寧願送外賣都唔去工廠打工),大陸廠家嗌哂救命。高檔貨可以將成本轉嫁,但其他就要硬食,毛利唔見一截;更甚是要停接新單,一來唔夠人做,二來博日後原材料價回落,這令貨品短缺進一步加價,美國通脹奶嘢。

要遏止人仔再升,紓緩廠家經營壓力,阿爺近日做了兩件事:一、狂出口術遏商品炒風;二、加外滙準備金壓住人仔。操縱喎!美帝唔出聲?因為今次自己有着數,兩邊其實打緊默契波。

不過,美國連續兩個月非農差過預期,復蘇慢是事實,也急不來,但通脹就殺到埋身,滯脹二字已寫在牆上,本周通脹數據有幾驚嚇?唔估,但近日商品價升而商品股乏力再上,反映滯脹已進入惡化階段,揸資源股的戰友,係時候準備撤退方案。

www.facebook.com/2012jason

www.instagram.com/ngailik.stocks

-----------------------------

蘋果App大升級 更簡潔更就手!了解更多立即下載體驗

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner