【Can Bank】爭產的經濟效益 - 散子

更新時間 (HKT): 2021.06.08 02:00
■香港過往發生不少爭產個案,單單轟動。喺不停打官司之下,律師費一定可觀,算得上係財產重新配置嘅一種。 資料圖片

事隔一年,賭王終於在上個月底入土為安,唔少人都覺得這只是一個開始,始終四房人,十幾個仔女,仲有幾個孫,即使係共產制度,大家平均分配,子孫都未必會覺得公平,更何況人總會有偏好。賭王嘅仔女,起碼個個well known;反而波叔嘅情況,就可能唔到佢出嚟爭嘅時候,都未必知佢係定唔係,情況就可能更複雜。

過往爭產個案單單轟動,有啲在富爸爸死後即刻開始爭,有啲就死咗十幾廿年後先至再爭,這些擁有全球90%資產,全球只有1%嘅富老竇,有人認為佢哋嘅仔女,一世人流流長,只需要努力一次,就是爭產。筆者又覺得與其說努力,倒不如說是發洩,可能大家都唔妥大家幾十年,搵個機會將對方啲嘢公諸於世。

當老竇白手興家到成為全球只有1%的超富貴人口,子孫要超越老竇又真係好困難,如果代代都要超越老竇,到第五、六、七、八代之後嘅目標就會變成要征服宇宙;反而爭產只需要在已擁有的財產上爭,不但容易多更會創造經濟效益,最少有一部份財產會流入其他人手中,起碼在不停打官司之下,律師費一定可觀,都算得上係重新配置嘅一種。

散子

http://fb.com/散子-257101397966975

關心你飯碗,貼近你生活,即Like「蘋果ATM」FB專頁!
BannerBanner