土茯苓加牛大力助去濕

更新時間 (HKT): 2006.06.09 08:00
*今日土茯苓:$3/両

近幾個禮拜都無停過雨,周圍都濕𣲷𣲷,濕氣都重啲呀,所以近日多咗人買土茯苓嚟煲湯,可以有助去濕、排毒。而新鮮嘅土茯苓,外皮呈淡棕色,內裏白色,外形不規則,表面凹凸不平,揀時應以筋少粉足者為佳。煮時首要將土茯苓去皮洗淨切塊,但因為土茯苓嘅味道亦比較重,所以煲湯嘅時候,應該配合其他材料同調味,減低其藥味。
土茯苓最常與牛大力來煲豬𦟌,除咗土茯苓有助去濕毒之外,牛大力亦具舒筋活絡補虛潤肺之功效,將兩者一同煲湯,最啱喺呢個天氣飲,另外仲可以加薏米、赤小豆等。若果想味道鮮甜啲,仲可以粉葛赤小豆,再加入土茯苓配陳皮煲鯪魚湯,咁樣鯪魚嘅鮮味,加上陳皮甘香,就可以減低土茯苓嘅味道。

果然好玩 籽在四方,即like「果籽」FB專頁!
BannerBanner