【飲食籽】石磨急症室 拖篋趕出診(老器具系列五)

更新時間 (HKT): 2015.06.18 05:20

【飲食籽:故味重嚐】
麥榮記這名號從未曝光。連老闆麥健明亦多次對我說:「我冇諗過你會搵到我哋。因為𠵱家用石磨嘅舖頭越來越少,全港識維修嘅只剩番兩間,從來冇人留意呢個行業。」
外形硬邦邦的石磨,由兩塊內藏坑紋的巨石上下組成。一凹一凸,透過轉動磨合,把黃豆磨研成漿。一上一下,配合得天衣無鏠。久經年月,頑石亦經不起風浪,這便是麥榮記出動之時。每次收到電話,他們便執齊工具,像醫生拖篋出診般,24小時隨時候命,只為了守護一份傳統味道。

「我用石磨唔係為咗懷舊,亦都唔係為咗慳皮,係因為我未搵到完全可以取代佢嘅工具。」珍香園老闆陳子富說。石磨是一間豆品廠的靈魂,由一粒黃豆變成不同的豆產品,諸如豆腐豆醬豆腐花都必須經過石磨做成。石磨不停隆隆轉動,把黃豆一層一層地磨開,香氣便能發揮得淋漓盡致。時代轉變,由昔日的人手推磨換上電動石磨器,再被高速磨逐漸取代,麥榮記仍是默默經營。問老闆麥健明以石磨磨製的豆品有何不同,他竟反問我:「你唔覺得舖頭(豆品店)同街市嘅豆腐差好遠咩?街市係中央處理,大多用高速磨,會產生高溫,破壞纖維同營養,食出來當然冇咁滑啦!」

24小時候命 電話唔敢熄

行業式微 只餘最後兩間

豆漿好飲 全因份量平衡

珍香園已有逾半世紀歷史。每日以石磨做豆腐、豆花、豆漿等,分兩輪生產,凌晨四時已經開始運作。店用上加拿大黃豆,先浸四至五小時,經石磨磨成漿,然後將一桶桶剛磨好的豆漿倒入離心機,分隔渣與漿。每次老闆陳子富都會細心觀察經分隔的豆渣,採訪當天,發現豆渣的顆粒依然粗糙,即着緊地對師傅說:「豆渣太粗,唔合格呀!這樣磨出嚟唔夠滑。」說罷,便以士巴拿調校石層之間的闊度,令豆渣的顆粒變得更滑溜。隔好渣的豆漿,被送到大鍋煮滾,「豆漿唔係一味落多啲豆就好飲,太多會澀,太少冇味,最緊要平衡,我們對材料份量全部有明確指引,有規有矩。」不過,由於工夫繁多,現在每天只賣十至十五板豆腐,賣完即止。

果然好玩 籽在四方,即like「果籽」FB專頁!
BannerBanner