【飲食籽】煉奶馬蹄糕 吃出八十年好滋味

更新時間 (HKT): 2016.01.30 05:20

【飲食籽:一家之煮】
相約「陸羽茶室」的禢志明大廚做訪問時,我是非常膽戰心驚的,畢竟茶室的桂花馬蹄糕和欖仁馬蹄糕做法,的的確確是商業機密,誰知禢師傅二話不說便答應,讓我大大鬆了一口氣。

步入茶室三樓的獨立廚房,禢師傅介紹入行二十多年的點心部大廚梁浩倫(倫哥)給我認識。得知要示範做馬蹄糕,倫哥快手快腳拿出材料,眼見材料簡單,不過是馬蹄粉、砂糖等等,惟獨最特別是製作欖仁馬蹄糕時會加入煉奶,「呢個馬蹄糕食譜已經做咗八十幾年,轉過幾個老闆都堅持加入煉奶,貪佢陣鮮奶香,而欖仁就香口,出面冇人咁做。」倫哥拿着大鐵羹,熟練地用水溝開馬蹄粉,溝好馬蹄粉後,他重新分成兩盤,一盤加入煉奶加欖仁,一盤加入桂花糖,就成為茶室極受歡迎的兩款馬蹄糕。

日日晚十二朝十一 製作四千底糕

等呀等,終於出爐了!蒸好的欖仁馬蹄糕不像桂花馬蹄糕般透明清澈,反而帶住一層奶白色。前者甜而不膩,後者清香撲鼻,入口如啫喱般鬆軟,確實齒頰留香,叫人欲罷不能。仔細交談,才從倫哥口中驚知,原來新年期間全個茶室的糕點都出自他雙手,他苦笑:「新年加加埋埋要做成四千底糕,老闆要送畀朋友,熟客又order,日日都要夜晚十二點開工,做到第二朝十點十一點,咁辛苦,邊個肯做?」雖說做點心師傅辛苦,但倫哥卻沒想過轉行,依舊每朝摸黑做最早上班的第一人。

蒸桂花馬蹄糕、欖仁馬蹄糕秘技

【桂花馬蹄糕材料】馬蹄粉750克|馬蹄1,200克|水3,500毫升|糖900克|桂花糖250克

【欖仁馬蹄糕材料】馬蹄粉750克|馬蹄1,200克|水3,500毫升|糖900克|煉奶165克|欖仁(已炒)250克

高手提提你…

果然好玩 籽在四方,即like「果籽」FB專頁!
BannerBanner