【飲食籽】淨化魚缸 幫海鮮排毒

更新時間 (HKT): 2016.05.06 05:20

【飲食籽:識飲惜食】
近年興起由歐美傳入的淨化海鮮技術,標榜讓入口活海鮮回復生猛狀態,又可確保衞生,現時全港只有一間餐廳供應。「原理就似為海鮮排毒,我哋營造出海洋環境,等海鮮覺得返到自己屋企。好似法國空運到港嘅生蠔,運送過程入面,生蠔仲需要水份,只能夠吸收番自身排洩出嚟嘅水份,進行淨化後,蠔會自然咁吸水呼氣,排走體內嘅排洩物同沙石。」餐廳Table的負責人兼大廚姜若男(Sandy)說。廚房設有24小時自動循環系統的淨化魚缸,把龍蝦、生蠔、蟹等海鮮先「淨化」才賣給客人,整個過程約需三至五日。

淨化海鮮較一般海鮮昂貴,味道又如何?今次請來香港鮮魚商會主席姜海清(清哥)試食。他曾開魚檔,後來轉做買手,有三十多年資歷,熟悉各類海鮮品種。先試的是店內招牌菜膏蟹拌蒜頭飯,把蟹拆膏略蒸,以蒜頭爆香蟹肉及珍珠米,上桌後,再即席在客人面前拌勻蟹膏及珍珠米。清哥讚菜式賣相極佳,蟹很新鮮,不過略嫌蟹肉不算爽實,提議用奄仔蟹更佳。蘇格蘭蟶子只以白酒及鹽調味後,Sandy便放上鐵鑊用大火快煎兩、三分鐘上桌,內裏仍是半生熟,生熟度剛好,咬落不會太韌,清哥則說,「平時食蟶子,好難避免有沙,經過淨化,明顯乾淨得多,食落會方便啲,呢個做法好可取。不過,味道仲係取決於海鮮自身質素,所以冇明顯分別。」

同場加映:街坊海鮮店
不加雞粉味精 菜式定價夠公道

鄰近楊屋道街市 即訂即買料

果然好玩 籽在四方,即like「果籽」FB專頁!
BannerBanner