【YouTuber撈過界】近2億總點擊網紅屎萊姆 加盟英皇做藝人

更新時間 (HKT): 2018.07.19 00:06

最近YouTuber「屎萊姆」正式加盟英皇娛樂做藝人。一講起YouTuber、KOL,好容易變成矛盾罵戰,支持嘅會覺得好睇過傳統媒體,唔like嘅就會話低質畀小學雞睇。不過當演藝娛樂大公司都想同YouTuber合作,睇嚟大家都係時候放低網絡文化難登大雅之堂嘅偏見,睇睇佢哋將來會有乜火花。

「屎萊姆」拍打機片起家,一年多前再開一條頻道講生活飲食,兩條YouTube頻道:「屎萊姆瘋狂世界」和「屎萊姆的3次元」,分別有44萬和33萬訂閱數目。英皇上年成立了英皇電競,「屎萊姆」就向記者表示,自己拍打機片都是娛人娛己,未夠班打電競,加盟英皇後工作性質不會有大轉變,依舊會以經營YouTube頻道為主。暫時英皇主要幫忙管理工作上的安排和處理廣告事務。英皇方面就指要帶動娛樂文化,除了明星,網絡紅人亦是目前營運的範疇,不排除會與更多KOL合作。

不過羅馬非一天建造,YouTube訂閱人數更要用心去儲,阿屎在YouTube界出名勤力,本來經營「屎萊姆瘋狂世界」講打機片,但亦想擴展觀眾層面,2016年開始了講生活拍Vlog的「屎萊姆的3次元」,最近新頻道訂閱人數亦超過30萬人。不過阿屎就說得來不易,自新頻道開張後,也有低潮期,「當初反應一般,也會想是不是自己肥仔,沒有觀眾緣,惟有努力不斷拍,不斷試,不斷改。」有感急需改進,他堅持每日一片出街,很多時拍片和剪片加起來就要十多小時,工作時間比打工仔更長。原本拍打機片片長較長,但經過嘗試後, 自覺拍生活片剪接要緊湊一點,也留意到觀眾出街睇片未必開聲,就算花時間也一定要每條片都配上字幕。日日出片,題材難免用完,阿屎就覺得做YouTuber一定要靠人,他會從身邊人身上找靈感。「有次去飲酒識到一個做美甲的朋友,我就忽然想到走去幫襯她,試試男人體驗gel甲一星期。」同行未必如敵國,阿屎也積極和其他YouTuber合作拍片。「就像《火影忍者》的鳴門和佐助,亦敵亦友,YouTuber之間或者有競爭,但需要互相幫助,才會有進步。」阿屎平時也有教大家點拍YouTube片,最常收到觀眾的問題是「想搵錢,點拍好?」阿屎覺得這個問題是大錯特錯。「唔係話搵唔到錢,但係如果想搵錢,搵番份正常啲嘅工作一定比較好。」阿屎之前也有拍片講解YouTube分紅,大概累積100萬點擊,就能分紅大約8,000至10,000港元,以香港地區來說,一條片數萬views已算好成績,假設是10,000 views的片分紅也不過$100,每日一片月薪也可能不過數千,可想而知用YouTube分紅做固定收入難度很高。

YouTuber近年已不局限於網絡發展,令廣告商越來越重視他們,所以才有阿屎簽約娛樂公司的例子。每年一度的YouTube Fanfest正好有機會讓一眾YouTuber走上舞台和觀眾近距離接觸,今年YouTube Fanfest 2018會於8月3日在九展舉行,門票雖已經派完,但想睇睇呢班YouTuber的舞台表現,也可在網上串流觀看。

即Like全新飲食專頁【籽想好食】: https://www.facebook.com/food.appleseed/

果然好玩 籽在四方,即like「果籽」FB專頁!
BannerBanner