【即時文摘】林鄭塞錢俾阿婆續集(陳也)

更新時間 (HKT): 2019.01.11 00:02
(蘋果日報)

林鄭反駁綜援改制,欺凌60至64歲長者的指摘,說自己都係60歲以上,仍然每日工作十幾小時。

講呢啲,林鄭口舌便給,刻意扭歪焦點。長者綜援有嚴格審查,做過社署的林鄭冇可能唔熟書。林鄭張建宗陳茂波這些有米高官,就算活到65+,除非呃政府,否則到死那一天,也不可能攞到綜援!林鄭學晒她的好姐妹潘鄭,翻白眼翻得太早,以為霸氣便會贏,駁嘴快好世界。事實呢,長者放長雙眼終於睇清楚,林鄭比龍蝦那句「涼薄」更冷酷!當日蹲在街邊,塞五百蚊紙落一個內地阿婆乞丐手,哎,這一幕勁吸嬲,但係搵老人家做媒的確方便就手,這一幕肯定會重演。到時林鄭會問對方貴庚,問出65歲未夠,林鄭念熟貓紙賣弄口才,訓示:阿婆,我六十一,日做十幾粒鐘,為港籌謀,事不避難,夜夜OT,可想而知,點解凌晨時份發新聞稿吧。我歡迎60歲長者以我為垂範,食得冇嘥,做得冇停!湯漢樞機7字頭都復出啦,習帝表明會永續不休幹下去!深水埗老馮擺明侵權抄佢!阿婆,今日唔使踎街了,呢度五百蚊,塞住把嘴先,第二世投胎要學我咁做官啊。

果然好玩 籽在四方,即like「果籽」FB專頁!
BannerBanner