蘋果創報黑幕?|黎智英馮睎乾親身踢爆王亭之 陶傑就係「帶頭大哥」?

更新時間 (HKT): 2020.09.14 00:04

上月藍絲群組瘋傳一條影片,標題為「王亭之公開當年肥佬黎搵佢辦毒果的背景」,十分鐘短片中王亭之言之鑿鑿說黎智英找了一位「帶頭大哥」邀請他做蘋果日報的總編輯,這位「帶頭大哥」說已跟美國民主基金、德國民主基金、英國一個甚麼組織都談好了,由他們付錢買廠房機器辦報,預算四千萬港幣。黎智英同馮睎乾在【內有乾坤!黎智英VS馮睎乾有玄相聚】網上FAN享會中,親自逐點踢爆,仲大爆誰是「帶頭大哥」。

【內有乾坤!黎智英VS馮睎乾有玄相聚】足本重溫

黎:王亭之呢個吹水吹得好離奇,佢話1993年有個大佬搵佢,1993年我自己都未諗到有蘋果日報,我是1994不知是4月或8月先諗蘋果日報,李柱銘是第一個知道這想法的人,在日本,蔡瀾也在。我想辦一張報紙連蘋果個名都未有。

片中王亭之說計劃用4000萬辦報,他可得1000萬。

黎:我請羅燦都無畀1,000萬元,我話賺到錢分給他,佢話用4,000萬元辦一份報紙,證明佢對商業不了解,我拿了也不止4億元,4,000萬元用來set up都沒了大半,做報紙最少蝕一兩年,當時一個月蝕8-9,000萬元,攞4,000萬元做報紙?商業頭腦都冇,他說術數風水吹慣牛,吹牛吹到隨心所欲,離譜到,稍為有點知識都不會相信佢。

馮:太多漏洞,搵四個人,每人分一千萬元都沒了。

黎:王亭之在明報專欄寫術數寫飲食,我都有睇,但你寫個專欄㸃會搵你做總編?你當我地盤工人?最初想找馮強做總編輯,是南早總編,後來他去了做讀者文摘亞洲總編。王亭之吹水,為了奶共產黨,又話雨傘運動洗6億元,如果他當時做,6億元就是他的。

馮:點解佢會講到咁?他是講俾他的聽眾聽,他很多徒弟是大陸人跟他學密宗,在無知大陸人面前抬高自己,目的是表現愛國愛黨所以沒這樣做。

王亭之片中所說邀請他當蘋果日報總編輯的「帶頭大哥」究竟是誰?黎智英就推斷指的是陶傑。

黎:我夠膽講是陶傑,他93年還在乩童,我話佢你咁都寫得出,佢話:「係鬼上身寫」。

馮:一個乩童一個大師,可以整份冥通日報。

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

果然好玩 籽在四方,即like「果籽」FB專頁!
BannerBanner