› 選擇地區
三藩市
紐約
洛杉磯
其他美國地區
香港 台灣 北美
 
2020年02月06日

蓄意漏封向160萬選民報復 - 陳也

點解林奠堅持「漏封」?由過年前到今日撲極都搵唔到口罩買的老街坊,哀歎林奠是要等埋「發叔」。發叔,唔係瓜老襯那位求簽鄉紳,只是代名詞,林奠收到柯打必須保證讓強國「發叔」們入境,但發叔貴人事忙未行得,香港機場唔落閘,港珠澳橋迎疫而上,豪畀佢,等大貴賓避秦入城。

年輕十年的街坊指出,林奠兩個仔唔屬「發叔」,八個月前接受CCTVB訪問自稱「叫兩個仔唔好返來」,武疫當前,林奠冇後顧之憂了,亦唔慌care枕邊位白襪仔手足,全心反撲,向當佢死嘅那160萬選民報仇!Bill is dead,160萬票投素人泛民的選民,就係林奠眼中阿Bill,要付出代價!黃絲區議會阻擋唔到特府徵用社區做隔離營,黑警會「堅守崗位」,存倉的政府口罩唔派,TG就繼續區區放題!吹咩!

連續戴同一口罩兩日的清潔工悲觀認定,林奠蓄意漏封,一心一意與市民作對,是計過條數,市民中招冚家富貴的死亡比率,絕對不是搵美國流感死亡率魚目混珠的黑心醫生瘋傳的2%,搵死人墊底的武后,黃台摘瓜,瓜老襯的人口就算高達20%,由強國專才火速補位就得,換血唔換肺。學廣告對白咁講:絕招嚟嘅,阿爺教落,佢地梗係唔識啦。

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2021 AD Internet Limited. All rights reserved. 版權所有 不得轉載