› 選擇地區
三藩市
紐約
洛杉磯
其他美國地區
香港 台灣 北美
 
2020年02月12日

頂佢個武肺,開放軍營啦 - 陳也

網媒指警黑包廂夜宴,警方澄清純屬自費非用公帑,而且兩個廂房是有阻隔的。收到,即是說警黑確實「自我隔離」,「自律」防疫。據目擊者講,幾個四點鐘招牌沒有戴口罩,明顯緊跟林奠「戴咗都要除返」的軍令,慳返不少口罩,盡快向海港sir學習,每位捐520隻CSI口罩速遞去武漢(醫護卻是一隻N95被迫戴兩日,醫院有良心派個紙袋用來吸濕),交代是每個差人省吃儉用騰出來,並非伸手叫下屬直送十盒到辦公室的高官可比!張司長坐着也中槍,要先發制人(差人)盡速企街派罩。(硬食屯門三公主塵。)

攞硬九億補水,包廂慶功(疫情下打爆西貢市民頭,將軍澳又拉119人),席間大開香檳,當黃埔第一位確診武肺而死的亡者無到。黑警自恃有林奠撐,忠誠勇毅,武肺不侵,裝備與醫護相反,要乜有乜兼加薪在即,鎮守檢疫中心的dirty job都有民安隊和童軍做,去唔到深圳海底撈,黃埔包廂飲勝一樣high,只要記住PK鄧「與黑社會勢不兩立」的軍訓,坐埋打邊爐,屁股冇離座喎,立乜春啫。

警黑冇救,救各區免於被徵用做隔離檢疫者,得返唐英年早在5號時提出的開放軍營一途。林奠得戚曬命拎到中央千七萬個口罩,即被內地五毛喪鬧。差人唔預佢開香檳的林奠,哽咽自己已經冇朋友,至怕解放軍say no兼頂佢個肺,所以不敢叩門。那邊廂唐唐深知刻不容緩,搶灘在望,得逞。

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2021 AD Internet Limited. All rights reserved. 版權所有 不得轉載