› 選擇地區
三藩市
紐約
洛杉磯
其他美國地區
香港 台灣 北美
 
2020年02月13日

千七萬與千尋 - 陳也

民建聯fb質疑醫管局講過有4600萬口罩足夠三個月用,忽然話剩下千六萬,明插有人落格。人人都能FC,上月23日張建宗豪言衛生署和醫管局儲備足夠用三個月,定心丸派唔夠五日,林奠管家婆發話,各種抗疫物資供應緊張。肥張唔忿氣,兩日後即是30號,指政府搵了140個供應商,正與內地聯繫,促進二千四百萬口罩供港。今個月8號,林奠率領「戴咗唔肯除」的管治班子強調,政府存貨只有千二萬,僅夠部門一個月。說好的慳啲使呢?接下來,林奠又跪拜,多謝中央賜佢千七萬口罩。數字一出舉國五毛暴跳狂抦!民建聯追數叻過張建宗,質問一下祖國發落的二千四百萬變千七萬,中間七百萬俾邊個short咗去?難道阿柒佢,被迫害妄想症由嚴重轉為危殆,私藏七百萬口罩喺床下底迷信能辟邪?亦有可能林奠漏夜抽查,扣起強國貨中比伍女士更黑心的黑罩,力挽國貨聲譽?市民看到,黑警打爆西貢市民頭、狂拉119個將軍澳友的當刻,戴住懲教署下令女囚通宵趕製的CSI口罩。

罩落誰家,老千與千尋,心有鬼的政府以私隱做擋箭牌封口拒披露,撐警大叔與屯公大媽有份喎。谷住道氣清蒸,繼續搓自己breast代替消毒液的民建聯,怨林奠太不厚道的恨,就算用麥美娟式粗口講一個月,都唔夠。

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2021 AD Internet Limited. All rights reserved. 版權所有 不得轉載