› 選擇地區
三藩市
紐約
洛杉磯
其他美國地區
香港 台灣 北美
 
2020年03月09日

有輪用的雀仔 - 陳也

互聯網

交通警執勤時雙手離開電單車軚盤,做了三下拍翼動作。官方發文護航,藍屍借法國交警還魂,指扮雀是指揮交通的手號。

咁講,唔夠幽默,對唔住PK鄧爺,兼夾益晒「頭條新聞」,呢輪肯定個個扮容祖兒唱住她的飲歌high住drive。面對跟自己條雀仔片「學揸車」的駕駛人士,點發牛肉乾呢阿蛇。駕駛途中,雙手做出一字馬,你估淨係成龍才做到嗎?交警在逆權抗爭運動中,被green object暴隊搶晒鏡,今次終於威返一次。唔使學交警關家榮,唔使在西灣河鬧市馬路拔槍,向年輕人連開三槍咁高危,事後要被PK鄧爺訓斥㗎嘛。開槍射向手無寸鐵的年輕人,雖然死亡率高不過世衞譚仔對武肺確診的死亡率3.4%推算,但不會比梁卓偉勇敢修訂的1.4%低,開槍和開香檳手勢不一樣啊。交警扮雀,在疫戰之下,轉移市民對dirty team暴隊濫捕和濫用保護衣的怨恨,交警也趁機示範,除了開車撞向人群「被小題大做」,一身武功(唔係武肺)隨時展示扮雀絕招,零需要升級裝備,CSI口罩都慳返唔少,冇浪費納稅人N億,希望特首大愛些,錫吓這班有輪用雀仔,絕對不是野味,無懼交叉感染,富婆與事頭婆,請放心。

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2021 AD Internet Limited. All rights reserved. 版權所有 不得轉載