› 選擇地區
三藩市
紐約
洛杉磯
其他美國地區
香港 台灣 北美
 
2020年02月27日

【冰說聰明】最有潛力之北水新貴 - 青冰

中手游董事長肖健(左)及副董事長冼漢迪。資料圖片

恒生綜合指數季檢在上周五公佈,換言之港股通新標的候選名單已經出爐,現在只等滬深兩間交易所在3月6日確認,仲未知有咩新貴入選,可到青冰的專頁睇返舊文。每年有咁多港股通新貴,但其實北水並不會每隻都愛,這次就談談如何去揀。

青冰慣常用的篩選法,先將行業分類,首先踢走內房及金融類股份,因為最優質的內房及金融,全部上晒市,有咁多選擇,新貴好難突圍;其次就是已經炒到爆的行業,今次有兩隻物管股,本身已經新高再新高,北水來到都係接火棒而已;第三就是避開市值幾百億甚至千億的股,唔係話睇死北水掃唔起,但這些股要用咁多錢先推得郁,冇必要咁早入場吖,你睇小米(1810)及百威(1876),前者北水買了一個月先識行,後者北水直頭唔吼。

七除八扣後,餘下中手游(302)、首長國際(697)、美東汽車(1268)、鷹普精密(1286)、愛康醫療(1789)、維亞生物(1873)及心動(2400)。愛康及美東都係強爆的股,現水平值博率低;維亞生物沒有藥又不是生化股,更似一隻創投,都係skip喇;剩返落嚟嘅,中手游就最似樣。

早兩日新聞話「王者榮耀」一月吸金90億,二月肯定過百啦,肺炎病毒令大家困喺屋企冇得出街,打機課金變成最佳消費。中手游係內地IP遊戲最大發行商,IP遊戲者,即係用著名小說、動漫及電影等題材做遊戲,「真三國無雙」及「海賊王」,相信戰友冇打過都聽過吧,所以話中手游在國內知名度甚高,並不誇張。同是去年第四季上市,心動已比招股價倍升,中手游只係漲兩成幾,屬非常落後。

身為國內熟悉的品牌,業務受惠肺炎疫情,上市後升得唔多,相信這三大因素,足夠吸引北水3月9日來掃貨吧。

青冰
http://fb.com/chingbing888
本欄逢周四刊出

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載