› 選擇地區
三藩市
紐約
洛杉磯
其他美國地區
香港 台灣 北美
 
2020年05月12日

【操盤手札記】小加引退 關權鬥事? - 割柑人

港交所行政總裁李小加突然宣佈引退,正值全國兩會快將舉行,唔通同政治有關? 資料圖片

港交所(388)行政總裁李小加突然宣佈引退,距離任期屆滿仲有18個月,呢個timing,正值全國兩會快將舉行,唔通同政治有關?

故事由一篇文同三封信講起。3月,任志強發文批評瞞疫,嘲諷「一位剝光了衣服也要堅持當皇帝的小丑」。4月,網傳兩封信,其一署名習明澤,另一署名習遠平,都為習近平執政失誤開脫。5月,網傳鄧樸方致兩會代表公開信,矛頭直指習近平失誤。

任志強係大陸地產商,以敢言見稱,2016年曾批評「央視姓黨」,後得中學同學王岐山解圍;習明澤同習遠平分別係習近平女兒同弟弟;鄧樸方則係鄧小平兒子。三封信共通點,係點出習近平執政失誤,姑勿論係咪偽作,已令中共權鬥浮面。

呢啲政治暗湧,關李小加乜事?2015年《華爾街日報》報道,李小加喺2003至2009年擔任摩通中國區主席時,多番推薦聘用官二代,賣人情換生意。2009年李曾推薦一杜姓男子,指佢同副總理王岐山關係匪淺。由此令人聯想李、王或有關係。

中共權鬥除咗習派、江派之爭,近排較矚目嘅係習近平同王岐山嘅矛盾。2月27日,與王關係密切嘅財新傳媒,爆料12月底已有新冠病毒圖譜,但上級要求銷毀;2月29日,同樣與王關係密切嘅海航集團,終被海南省政府接管,無形中斷其財路。

習地位未穩之時,王係習得力助手,共商「打虎」之策;如今打虎有成,係咪助手變敵手?李小加預告引退,究竟係另有重任,參加特首跑馬仔,抑或關權鬥事?無論如何,未來18個月,李將要完成嘅任務,包括同股不同權納入藍籌、中概股全線回歸、基金通、期貨通、新股通。港交所勢受惠,中長線看俏。

割柑人
本欄逢周二刊出

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載