› 選擇地區
三藩市
紐約
洛杉磯
其他美國地區
香港 台灣 北美
 
2020年06月23日

【操盤手札記】中美脫鈎炒乜好? - 割柑人

在美上市的中概股百勝中國,市傳已遞表來港上市,睇嚟又會落鑊。 資料圖片

上周六晚,港版國安法內容出爐,而人大常委會將於6月28日至30日加開會議,相隔一周再度開會,情況罕見,似為審議法案。市場等睇美國反應,歐洲議會則已呼籲歐盟27國將中國告上海牙國際法庭。周一,港股跌0.5%,險守10天線24500關。

美國會點反應?等得最心急係中國。上周三蓬佩奧同楊潔篪喺夏威夷攤牌;上周四特朗普喺Twitter話「全面脫鈎仍然係選項」;上周六特朗普喺造勢大會再將疫情矛頭指向中國,取功夫(Kung Fu)諧音,以「Kung Flu」嘲之,態度日趨強硬。

國安法對投資嘅影響,要由中美脫鈎國際大格局去睇。1949年中華人民共和國成立,中美處於敵對關係;1972年美國總統尼克遜訪華,關係緩和;1979年中美建交,關係轉好;2018年中美貿易戰爆發,關係轉差;2020年疫情爆發,對立轉對抗。兩國關係好壞,從來只係利益計算。國安法有損美國在港利益,但金融制裁又形同攬炒;對特朗普嚟講,美國利益更加係能否連任關鍵,要計掂條數。由於香港係外資尤其美資進入中國嘅大門,中美對抗對香港資產絕對不利。

中美脫鈎論,正甚囂塵上,side effect係在美中概股回流。睇返阿里巴巴(9988)、網易(9999)、京東(9618)來港第二上市前,其ADR都炒到破頂,以在港上市前一個月計,分別累升8%、16%、10%;以兩個月計,更分別累升26%、26%、32%。

若有美股戶口,可吼在美中概股。市傳百勝中國(YUMC)已遞表來港上市,睇嚟又會落鑊。該公司喺中國擁有肯德基、必勝客同Taco Bell經營權,本土品牌則有小肥羊等。該公司其實並非中資,而係由百勝分拆,百勝則由百事可樂分拆,十大股東基金居多。

割柑人
本欄逢周二刊出

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載