隔牆有耳:狼豬板塊 - 李八方

更新時間 (HKT): 2012.02.25 00:00
設計圖片

小圈子選舉嘅豬狼之爭,係一場唔同利益集團嘅角力。套用練乙錚較早前所講嘅「板塊理論」,兩塊蠢豬、野狼嘅板塊上面,都係唔同嘅財團同阿爺嘅人。兩房明爭暗鬥想上位。八方今日就同大家睇真啲,豬狼板塊嘅勢力分佈。

梁營 提名票292

中電副主席阮蘇少湄

商界幾乎全數挺唐,「蘇眉」唔通唔妥某人「賣妻求榮」,所以寧願唔提名?定係睇定啲,留後路?

合和董事總經理胡文新

阿爸胡應湘提名畀唐唐,「富二仔」胡文新本來有傳挺梁,但最終冇咗影,變咗地下凉粉。

嘉華呂慧瑜

爸爸呂志和撐唐,但個女都hold住唔提名,係咪擔心局勢有變,影響既得利益?

唐營 提名票378

恒生副董事長梁高美懿

同屬滙豐嘅王冬勝投左畀唐唐,但係滙豐系嘅恒生銀行梁高美懿就選擇唔提名,係咪分散投資,當買個保險,以免將來冇運行?

歌星譚詠麟

本來以為校長西瓜靠大邊,但係頂佢唔順咁「弱智」,即時收番再決定。八方好記得,校長當年挺董㗎!

民建聯譚耀宗

大大聲話唔會提名,明顯擔心押錯注未來五年冇運行,又要準備隨時獻身畀太空成,所以都係唔郁住,寧願聽阿爺吹雞好過。

一格照片,一個故事,Follow蘋果Instagram!
BannerBanner