隔牆有耳:新紥同志 阿爺賜陳恒鑌出櫃 - 李八方

更新時間 (HKT): 2012.09.14 05:20
又一新紮議員出櫃,陳恒鑌係安徽省政協,內地網頁以同志稱呼佢。

繼新界東陳志全慢必出櫃之後,連啱啱喺新界西勝出嘅禮義廉陳恒鑌都出櫃。不過同慢必唔同,陳恒鑌嘅同志身份係拜阿爺所賜,內地網頁「踢爆」,陳恒鑌原來喺「安徽省政協」,仲以「同志」呢個暱稱嚟稱呼佢。原來陳恒鑌年紀輕輕已經咁紅,難怪阿爺畀佢上位啦。陳恒鑌噚日同禮義廉主席譚耀宗和落選嘅劉江華去荃灣謝票,記者問劉江華,禮義廉日後冇咗佢呢個重炮手喺立法會坐鎮點算,皆因佢出咗名唔怕爛臉抹黑泛民。劉江華就指住陳恒鑌話,有呢個輕炮手都頂得住。陳恒鑌當然唔敢寸嘴,擦晒鞋話要向前輩多多學習,有前途!

一格照片,一個故事,Follow蘋果Instagram!
BannerBanner