隔牆有耳:港九華仁 夾錢登報請校長 - 李八方

更新時間 (HKT): 2012.09.24 05:20
港島、九龍兩間華仁齊齊登報請校長,下個月尾會通知申請人面試。

兩間傳統名校香港華仁書院、九龍華仁書院名人輩出,但係呢兩間學校嘅校長做到下年8月就雙雙起身唔撈,近日兩間名校夾份喺報紙登報請人,一物兩用,連廣告費都慳一半。服務港華30多年嘅港華校長譚兆炳話,自己已達退休年齡,所以一定要退下火線,未來會繼續為港華服務。至於另一位同樣係「華仁出品」嘅九華校長陳岡,就係辭職離任,比合約期滿早咗兩年,今年初佢落場應考通識,老貓燒鬚得個四級,陳校長任內得罪人多,離開九華或者係好事。譚兆炳話,兩間學校早成一年招聘校長,希望請到啲猛人領導兩間華仁,申請人下月尾會收到通知有冇得面試。

一格照片,一個故事,Follow蘋果Instagram!
BannerBanner