隔牆有耳:禿鷹也有柔情時 - 李八方

更新時間 (HKT): 2012.10.02 05:20
鐵漢也有柔情時,睇吓十指緊扣老婆出席國慶酒會嘅禿鷹就知道。易仰民攝

噚日嘅金紫荊廣場同會展場外非常熱鬧,示威嘅團體一批又一批,之不過呢,同示威者「晒馬」呢啲苦差,又使乜禿鷹自己落場?貴為一哥嘅佢,梗係可以優哉游哉咁參與國慶酒會,滿場飛同人傾吓偈;之後佢仲聲稱唔知出面發生咩事,好似外面示威完全唔關佢事咁。相信對禿鷹嚟講,國慶似乎係大日子,因為佢罕有帶埋太太一齊出席。只見拖住太太隻手仔嘅禿鷹,面上流露咗平時好少見嘅柔情。八方就覺得,身穿旗袍嘅一嫂,柔中都帶剛,唔知返到屋企,邊個先係話事人呢?

一格照片,一個故事,Follow蘋果Instagram!
BannerBanner