喪妻失子女生比死更痛

更新時間 (HKT): 2012.10.03 05:20

【本報訊】撞船意外撞散不少美滿家庭,多名死者的家屬昨到葵涌殮房認屍,氣氛哀傷。其中一名獲救傷者,原本一家四口開開心心遊船河,睇煙花,怎料妻死子女失蹤,他昨午身穿病人服,在親友陪同下,到葵涌殮房見妻子最後一面。心如刀割的他,強忍傷痛,認屍後黯然離去。陪同的親友則忍不住口怒轟肇事小輪船長行為可惡。劉小姐昨午陪同該名男傷者到殮房認屍,她不肯透露事主姓名及雙方關係,只說:「嗰日我仲好開心送佢哋一家四口上船,呢啲機會唔係人人有份,佢特別帶老婆同兩個細路出席,點知……佢受咗傷,老婆死咗,子女下落不明……」欲見妻最後一面的男事主上車離開後,劉小姐雙眼通紅指摘肇事小輪船長:「佢到底係唔係黐線,撞船嗰刻念緊咩?定係個腦有問題,點解唔留低救人,就算唔留低都應該打求救燈,或者丟啲水泡落去……呢點叫不顧而去,家唔係撞到嚿鐵、嚿石,係撞到架船,呢啲行為係冇良心。」她越說越氣,但欲言又止,忿忿不平離開殮房。

一格照片,一個故事,Follow蘋果Instagram!
BannerBanner