幫CY放風 張震遠促盡早檢討丁屋
強調非剝奪權利 只為釋放更多土地

更新時間 (HKT): 2013.01.19 05:20

為增加房屋土地供應,特首梁振英全城覓地建屋,但施政報告隻字不提新界丁屋政策。身兼行政會議成員的市區重建局主席張震遠受訪時指,政府需檢討丁屋政策,「早處理好過遲處理」,因為可以盡快釋放更多土地。但他強調不代表要剝奪擁有丁權的村民權利。
記者:譚靜雯

施政報告要求市區重建局加快重建步伐,張震遠接受訪問時稱,有能力「做多啲」、「做快啲」,今年最少啟動六個重建項目,包括「需求主導」、工廈。他又稱,市建局董事會去年已決定支持和配合政府政策,未來推出的項目可加入「港人港地」條款,「好多項目都適合做港人港地,只要喺地契加入條款,限制只可以出售畀香港人。」

新界丁權無限大問題一直備受爭議,政府已預留逾1,200公頃「鄉村式發展」土地,供原居民興建丁屋。張震遠認為需檢討丁屋政策,釋放更多土地,「需要搵一個時間開始檢討,因為丁屋政策無持續性,政府唔可能不斷提供一啲土地做丁屋,好多人𠵱家有丁屋權都攞唔到地起丁屋,我個人嚟講早啲檢討好過遲啲檢討。」政府提出檢討丁屋政策必引起原居民激烈反應,張震遠似為政府放風,他說檢討不代表要剝奪原居民權利,「唔代表要剝削有丁屋權利嘅居民,而且你有丁屋權一直享受唔到呢個權利亦都冇咩意義,如果搵到一個方案可以畀佢實現權利,唔使永遠喺度等」。

是否續任由政府決定

一格照片,一個故事,Follow蘋果Instagram!
BannerBanner