隔牆有耳:
日右翼恐嚇告民主黨 - 李八方

更新時間 (HKT): 2014.01.07 05:20
民主黨同保釣行動委員會收到信,話佢哋「衊造南京大屠殺」,仲話會採取法律行動,阿牛(前排右)就話未驚過。資料圖片

民主黨同保釣行動委員會,噚日各自收到由「香港靖國神社崇敬奉賛會」發出嘅信,據知信封印有日本軍旗,拆信後驚覺原來信件由該會會長長谷川發出,針對佢哋保釣同要求日本就侵華道歉,聲言要採取法律行動喎。民主黨引述信件指摘佢哋「衊造南京大屠殺、日本侵華」等,令該會會員受「巨大精神損害」,要求停止「誹謗」言論,否則會用法律行動追討損失喎。民主黨回應話驚都未驚過,仲要求對方放馬過來,會繼續堅定支持維護史實同保釣。保釣行動委員會成員阿牛曾健成亦冇有怕,佢話信件反映日本軍國主義已臨漢土,賊喊捉賊,令佢哋更加堅定打倒軍國主義,繼續保釣。

一格照片,一個故事,Follow蘋果Instagram!
BannerBanner