隔牆有耳:
伯樂教你揀好馬 - 李八方

更新時間 (HKT): 2014.01.29 05:20
十九世紀嘅《百駿圖》,深受西方宮廷畫風影響,表現出中西文化合一嘅境界。朱家駿攝

新年除咗去拜年𢭃利是,去睇展覽都係一個唔錯嘅活動。中大文物館同中大中文系合辦咗「馬年說明」展覽,展出約50件由漢朝至清末民初同馬有關嘅展品。大家都知伯樂係古時嘅馬評人,但大家又知唔知伯樂點睇得出一匹好馬?參觀完你就知。

中大中文系系主任何志華教授話,今時今日講起馬,唔少人都以競賽、賭博嘅眼光去睇,實情中國人早就對馬充滿感情,譬如將馬喻為六畜之首、視馬為知音。正因為古代人用唔同角度睇馬,所以伯樂得出頭細、頸粗、豎耳就為之好馬,加上以前啲馬不時要上戰場,所以大部份都係肥肥哋,等佢哋可以孭得重啲。場內亦介紹好多同馬有關嘅成語典故,好似「白駒過隙」、「輕裘肥馬」等,大家不妨喺3月16日之前去中大文物館參觀,全場放題免費睇,不過逢星期四同埋公眾假期休館㗎。

一格照片,一個故事,Follow蘋果Instagram!
BannerBanner