港極速變色 中產梁粉覺醒
誓爭真普選 踢走小圈子特首

更新時間 (HKT): 2014.06.23 05:20

【6.20-6.29投票】

梁振英治下兩年香港極速變色,國務院的一國兩制白皮書更敲醒溫和、沉默大多數的中產參加全民投票。住九龍塘又一村的陳先生曾是「梁粉」,對其競選口號「求變」充滿冀望,但梁當選後政綱未兌現,更換來國民教育、港視不獲發牌和新界東北發展的風暴。陳先生慨嘆這兩、三年越來越理解長毛梁國雄的抗爭方式,盼望今次這票為爭取真普選邁步。
記者:潘柏林 李雅雯 蔡元貴 林俊謙

理解激進議員抗爭方式

面對梁班子拒絕聆聽市民意見的管治方式,陳先生坦言對立法會激進議員多了一份理解,「以前我對陳偉業、長毛所做嘅一切都會不滿,點解有人會投票支持佢哋㗎?但呢兩、三年,我越嚟越發覺,基層受咗好大嘅壓力,無論房屋定財政壓力,以至支持佢哋同特區政府對抗,我由唔認同佢哋嘅做法,到今時今日,我基本上認同佢哋做呢樣嘢,如果佢哋唔做呢樣嘢,基層嘅人冇能力表達到意見」。

他指在內地見盡人們面對不公義時麻木認命的態度,「好憎佢哋遇到唔合理嘅事,就話『係咁㗎啦!』」他說在內地謀生多年,仍對要「走後門」感不甘心,希望香港人繼續不平則鳴,守護核心價值、一國兩制,「雖然未必有結果,但起碼我有咁做過」。

一格照片,一個故事,Follow蘋果Instagram!
BannerBanner