隔牆有耳:龍和道「有鬼」搞事 - 李八方

更新時間 (HKT): 2014.10.04 05:20
疑似係內鬼嘅斜紋頭巾男煽動示威者衝出馬路,事後想搭小巴走佬。

有人想趁今次佔中混亂生事,最過份當然係警方放軟手腳。搞事者通常都係搞完個場就走人,噚日凌晨就有個帶斜紋頭巾嘅男人,不滿和平示威者拒絕佔領特首辦外嘅龍和道,竟然不停煽動其他人衝出去佔據龍和道。部份人聽咗佢煽動之後,真係坐咗喺龍和道,但之後頭巾男自己就搭小巴走人,仲不斷遮住自己嘅樣貌。有現場示威者話:「當大家坐低晒,佢就偷偷哋上旺角小巴閃人!完全係煽動!冇諗過要負責任!要小心!」呢位應該收咗錢搞事嘅人,最終俾人踢爆,喺小巴返落嚟,𤓓到爆。做演員,都要專業啲㗎,衰咗收唔到錢㗎!

一格照片,一個故事,Follow蘋果Instagram!
BannerBanner