隔牆有耳:
阿人推舉阿仁掌支聯會 - 李八方

更新時間 (HKT): 2014.12.02 05:20
卸任支聯會主席前,阿人繼續喺街頭為支聯會街站嗌咪。 譚靜雯攝

支聯會前晚改選領導層,外界認定原主席李卓人會當選連任,點知最後卻係另一「仁」、民主黨何俊仁接掌主席,仲要係由李卓人提名,到底阿人搞邊科?八方聽聞,選舉主席時,阿人係有獲當中嘅常委提名競逐連任,但佢除咗覺得自己喺工黨同職工盟都身任要職,自覺兼顧不暇,其實亦驚佢嗰單捐款事件持續被炒作,為免影響支聯會形象,所以覺得另覓「仁」選更好,最終好在有鐵頭仁願意接棒,佢就安心同鐵頭仁對調支聯會嘅工作崗位,轉職秘書繼續為平反六四作戰到底。而佢卸任主席前亦冇偷懶,周日中午喺旺角街站嗌咪,收集市民簽署嘅聖誕卡送寄內地被囚嘅維權人士。

一格照片,一個故事,Follow蘋果Instagram!
BannerBanner