隔牆有耳:
港大院長 砌南極望遠鏡 - 李八方

更新時間 (HKT): 2015.03.12 05:20

內地早幾年喺南極高原「冰穹A」設立咗個「昆侖站」,擺咗兩部望遠鏡(圖)觀察天文現象同搜尋超新星。佢哋嘅國際科研團隊早幾日嚟咗香港開會,討論未來發展,仲計劃起番個紅外線望遠鏡。呢樣就開正港大理學院院長郭新嗰瓣,佢專長就係用紅外線天文望遠鏡研究宇宙有機物。郭院長呢幾日好開心,佢話因為香港根本冇財力發展國際性天文研究,好榮幸參與呢次研究,仲話香港嘅優勢係輸出人才。至於點解要喺距離海拔四千幾米嘅南極冰穹A起天文站?郭院長解釋,因為嗰度地勢平坦,暴風雪又少,凍到攝氏零下八十度,大氣層水氣比較低,容易睇到天文現象,係全球最佳嘅天文觀察地點喎。

一格照片,一個故事,Follow蘋果Instagram!
BannerBanner