隔牆有耳:
兩大校長踢波和氣收場 - 李八方

更新時間 (HKT): 2015.03.23 05:20
沈祖堯幫中大球員按摩鬆一鬆。

中大、港大兩大校長盃教職員足球友誼賽,噚日喺中大夏鼎基運動場上演,兩支「教授級」球員,由兩位校長沈祖堯同馬斐森領隊。

橙衫軍領班沈祖堯話,噚日為作客嘅港大隊預備咗好天氣,等大家一齊開心踢吓波,佢話○三年沙士後,兩間大學教授日以繼夜咁同沙士搏鬥,所以整場球賽輕鬆一番,到咗前年正考慮取消時候,都係唔多捨得,要保留番比賽,令兩校教授互相切磋。馬斐森就話舊年踢咗十五分鐘,可能佢對自己嗰隊「造成太大的破壞」,結果輸波,所以今年都係唔踢,希望港大藍色大軍可以贏番次。結果七十分鐘嘅比賽,踢成零比零和氣收場。連同噚日賽事,中大總共贏過七場、港大勝一場,四屆打成平手。

一格照片,一個故事,Follow蘋果Instagram!
BannerBanner