隔牆有耳:
林大輝「0票當選」 - 李八方

更新時間 (HKT): 2015.10.16 05:20
林大輝自己都忍唔住笑,葉建源仲即刻拎手機出嚟影相。

建制派恃住人多,噚日一手包攬咗立法會絕大部份事務委員會嘅正副主席位置,有少數正副主席仲係自動當選,好似教育事務委員會主席林大輝咁,就喺冇對手情況下成功冧莊。

但唔知係咪立法會部電腦都睇唔過眼,搞事贈興。正常嚟講,議員喺冇對手下當選,會議廳嘅大螢幕會顯示「自動當選」,但噚日當大輝自動當選後,螢幕竟出現「0票當選」;就算係「真相」,使唔使咁樣畫出腸?其他議員見到都忍唔住笑,有人即刻拎手機出嚟影相。向來豁達嘅大輝大師就話唔介意,強調教育事務委員會嘅正副主席,都係喺公平、公正嘅選舉下產生,「冇講數嘅成份」㗎喎。

一格照片,一個故事,Follow蘋果Instagram!
BannerBanner