隔牆有耳:
中學生3D動畫奪兩國際獎 - 李八方

更新時間 (HKT): 2016.05.09 05:20
翁祐中學一班學生去到克羅地亞領獎。翁祐中學提供圖片

搵食確艱難,但只顧搵食忽略仔女,又係咪為人父母所願?順德聯誼總會翁祐中學一班學生唔直接答你,用3D動畫答你,仲犀利到衝出香港,去到克羅地亞都贏兩個獎返嚟,可喜可賀。

講親子疏離

翁祐中學初中學生必修校本3D電腦動畫課程,而且年年都有學生參加世界各地比賽,今年仲憑《Family Day》同《Accompany》兩套作品,分別贏到聯合國兒童基金會(UNICEF)同克羅地亞政府兒童權利辦公室頒發「最佳兒童權利動畫第二名」同「MAXI高級組第二名」。咁啱得咁蹺,兩套動畫都係講父母同子女關係越見疏離,阿爸阿媽掛住返工搏殺,唔記得咗班細路,其實都需要佢哋喺身邊傾吓偈。唔知政府會唔會考慮用呢兩套動畫做改善家庭關係宣傳片呢?

一格照片,一個故事,Follow蘋果Instagram!
BannerBanner