【橫洲黑幕】面臨被滅村 村民行會請願CY接完信即走

更新時間 (HKT): 2016.09.20 17:10

面臨被滅村的橫洲3條非原居民村鳳池村、永寧村、楊屋新村村民今早在行政會議開會前到特首辦請願。被強行收地的永寧村村民高小姐向梁振英請願後,指梁接過信後即迅速離開,未作任何回應,「佢都好似無反應咁無回應我講嘅嘢,好似當聽唔到、睇唔到」。她指今日最希望是表達「不遷不拆、誓保家園」訴求,認為政府應先在棕地起四千個公屋單位,而不是先在村民的綠化地興建。

高小姐又指,覺得現時政府一眾高官「好似搵人揹鑊咁」,「佢哋依家猛喺度耍太極,好似搵個替死鬼咁」,直言政府做事「亂哂大籠」,完全無諮詢居民。

高小姐稱,其88歲母親因為擔心被收地「搞到終身癱咗,又食唔到嘢,我覺得好無辜,迫到我呀媽咁樣」,現時只希望有屋能讓媽媽終老。她指過去曾找張炳良遞信八次,陳茂波兩次,但兩人均拒絕出來接信。

一格照片,一個故事,Follow蘋果Instagram!
BannerBanner