港專生畢業禮舉牌反釋法 校長斥辱國歌:外遊遇天災戰亂邊個救你?

更新時間 (HKT): 2016.11.26 22:33

陳卓禧致辭時,自言在港英殖民時期出生和長大,自細經歷帝國主義的欺壓,「會畀鬼仔(外國人)蝦、畀人打,我哋係冇聲出㗎,直到我哋嘅國歌奏起、我哋五星旗升起」,我國才逐步擺脫「被欺凌、被屈辱」的日子,怒斥有畢業生「喺奏國歌嘅時候!做出呢啲咁嘅行為!我係感到痛心!感到難過!」

陳反問學生外遊時,「當你遇到戰亂、當你遇到自然災害,邊個去救助你哋?」稱全世界沒一個國家像中國般,「可以派出一班又一班嘅民航機,去到戰亂嘅地方,去拯救我哋嘅僑民!」又指中國更派戰艦到戰亂地方,冒生命危險撤僑。

他直言「甚至連日本都派唔出!佢要借助我哋嘅民航機、借助我哋嘅戰艦幫佢哋撤僑!當你哋舉起你哋嘅標語,去侮辱國歌嘅時候!有冇諗起呢啲嘢?到時你去問邊個求救?」

《蘋果》致電港專校長陳卓禧,他表示正忙於畢業禮,不便回應;港專發言人回覆查詢時表示,對此事無補充。

一格照片,一個故事,Follow蘋果Instagram!
BannerBanner