【戰狼新勢力】由剝花生到爭選委 年輕工程師力抗「紅」潮

更新時間 (HKT): 2016.11.27 16:07
張振傑(左)與麥雪晶獻出第一次,參選工程界選委冀代港人按意志投票。(黃文邦攝)
(蘋果日報)

記者:許偉賢

「我對呢屆特首或者係成個政府,都頗有意見。」28歲的張振傑,四年前對政治興趣近乎零,例如上屆特首選舉,「冇參與嘅權利,年輕人都冇份玩……都係剝下花生。」梁振英當選後,反國教與爭取港視發牌運動,他都參與其中,令他警覺的是:「(梁治下)赤化問題好嚴重」。之後的傘運,縱使成效不彰,卻給他啟示,「其實肯犧牲、肯出嚟表達對政府嘅不滿,係要好大勇氣...如果唔正視呢班人嘅意見,後果係好嚴重。」

去年的區議會選舉,他蠢蠢欲動,選區最終有民主派出戰,才打消披甲念頭,將選戰第一次獻給負責選特首的選委會,「工程界比較難有機會畀年輕工程師表達意見,希望我有機會將佢哋嘅聲音帶出嚟。」

相較之下,33歲的麥雪晶,政治醒覺更早,「03、04年(23條擬立法前後)啱啱入大學,嗰時好大衝擊,覺得香港原本嘅制度被侵蝕,自由又受影響。」六四與七一外,傘運亦支持,雖然表達的意見未必獲政府接納,「但令人覺得有必要發聲,唔可以逆來順受。」

2012年的特首選舉,更令她記憶猶新,「上屆見到好多人(選委),係無自由意志,主要支持唐唐嘅,後來唔知受咗乜嘢啟示轉咗去梁營果邊」。

像她這樣一代的工程師,不少冀昐香港有普選,隨著人大8.31決定粉碎素願,能冀望的只剩有份選特首的選委。與其交托別人,不如挺身而出,若然當選,表明按自由意志投票,「我係代表香港某啲人意願,唔係代表某啲人嘅心意、亦唔係聽邊一個人嘅指示。」

民主派今屆組成「進步工程」團隊參選工程界選委,20人中包括麥、張兩位首戰的年輕族;不支持梁振英連任,要求人人平等。麥雪晶期望新特首以香港發展為先,「唔係一味聽中央意見或主動迎合」,並保存香港的優良制度,多聽市民意見,「宜家嘅特首似乎做唔到海納百川,反而令到社會好分化。」

張振傑亦冀未來特首施政時優先考慮香港而非中國,「香港係高度自治,冇理由為配合中央某啲政策夾硬去推一啲嘢出嚟」,嘆幾年來中港融合太快,「四年前無人知本土派係乜...其實係大家覺得被侵蝕;雖然係中國一部份,但唔應該被視為同中國完全一樣,最重要保存香港獨特性。」

一格照片,一個故事,Follow蘋果Instagram!
BannerBanner