【特首選戰】湯家驊讚林鄭有能力想法接近：講出完整治港理念

民主思路召集人湯家驊早上應邀出席由政府效率促進組舉行的政府內部研討會時表示，有傳下午宣佈辭職的政務司司長林鄭月娥在會上發言約1小時，形容內容是一套相當深入、完整的治港理念，「但呢套理念係講畀公務員聽嘅，如果下晝有咩發生，佢用咩方法將呢套理念講畀香港人聽，我相信可能要問佢」。湯又引述林鄭指，「揀喺今日開呢個會，係比較有趣，tricky（弔詭），有少少棘手」，但相信不是刻意安排。

湯說，林鄭會上沒有表現出不捨，亦不方便透露詳細內容，「對我嚟講，佢今日嘅演講，可能係做咗司長以來，比較深入去聽佢對香港嘅管治問題嘅睇法」。他又說，研討會安排了相當長的時間，自己幾個月前已收到邀請，「睇嚟同今日會發生嘅事冇特別關係」。

他透露，林鄭澄清自己並非社會主義者，認為林鄭是個有能力的官員，聽過林鄭今日的演講後，覺得她對香港的前途和治港理念更接近民主思路，但仍需時間詳細了解。

湯指，暫時沒有與林鄭有特別聯絡，現階段個人或民主思路都沒有幫助任何一名特首候選人進行競選活動，目前已邀請宣佈參選特首的葉劉淑儀和胡國興見面，至於曾俊華和林鄭則未有確實見面日期。