曾罵法官是「狗官」 高達斌指司法體系是人治非法治

更新時間 (HKT): 2017.02.04 19:53
高達斌(左)

曾經評論法官是「狗官」的愛港之聲主席高達斌回覆本報查詢指,他認為香港的基本司法制度仍是完善的,但一牽涉到政治立場便例外。

高認為,某些法官自小接受的教育和思維訓練形成一套價值觀,「佢接受係西方嗰套價值觀,佢覺得一定要平等嘅,覺得啲人走出嚟抗議自由平等有咩問題?『你拉佢做咩?』但掉番轉,中方強調社會秩序、有尊卑之分!呢套價值觀喺香港中國人社會某啲情況根深柢固,咁你咪唔啱囉。」

他又指司法體系內是人治不是法治,認為佔中三子戴耀廷等人早應該被起訴,「唔係話證唔證據,而係大家都知道佢發動(佔中)。」他補充,大律師公會主席林定國的言論忽略了社會上有人覺得法官判案偏頗,尤其是公眾爭議事件中價值觀與「普羅大眾」不同。被問及他曾罵法官是「狗官」,他無意收回言論並直言:「係呀!你判得唔公平囉,有啲(法官)係唔值得尊重,佢枉法,唔值得尊重咪畀人鬧囉!」

一格照片,一個故事,Follow蘋果Instagram!
BannerBanner