隔牆有耳:
志雲大師情傾抽象大師 
睇畢加索展 最後情人對眼識講嘢 - 李八方

更新時間 (HKT): 2017.02.25 05:20
志雲大師睇每一幅畫都好認真。何家達攝

「志雲大師」陳志雲雖然最近為自己2009年收受利益案嘅官司上訴到終審法院忙到一頭煙,不過佢都好識得忙裏偷閒,噚日去咗一睹抽象派大師畢加索嘅真迹。入到場志雲大師當堂都變咗小粉絲,好認真咁睇每一幅畫,連館長解說都唔放過,非常踴躍發問。

畢加索瞳孔現積琪蓮

唔知志雲大師望咗咁耐,最鍾意邊幅呢?佢就話都係《穿着印刷裙子的積琪蓮肖像》最有feel,畫中人對眼好似識講嘢咁!積琪蓮即係畢加索最後情人兼第二任老婆,今次展覽時代廣場籌備咗2年,先邀請到西班牙巴塞隆拿畢加索美術館借出13幅同積琪蓮有關嘅作品嚟香港展出。

八方冇乜藝術慧根,淨係留意到門口有幅巨相近距離影大師對眼,原來張相係積琪蓮操刀,仔細望吓畢卡索右眼瞳孔,可以見到積琪蓮身影;同一時間以大師愛妻命名嘅《積琪蓮》油畫就掛正幅相對面,呈現兩夫婦親密關係。

一格照片,一個故事,Follow蘋果Instagram!
BannerBanner