【特首選戰】曾提名胡官 黎廣德指第一輪投曾俊華:策略性考慮

更新時間 (HKT): 2017.03.25 19:42

【新增短片】

特首選舉投票日明舉行,特首候選人胡國興今日到中環出席保育活動,被問到現時估計獲多少選委支持時,胡國興指,選委口頭答應是無用,因為投票是保密,「投票係保密,無一個候選人可以知道宜家有幾多張票」,指現時唯有靜心等候最後點票結果,坦言現時「好難評估」有多少票。被問到現時對當選有多大信心,胡國興指「信心一樣咁強,係繼續爭鬥落去」。

被問到若得票少於180票會否感到失望,胡國興指自己會「以平常心對之,唔緊要」。對於梁振英指民意不是最大因素,中央信任才最重要,胡國興指「如果中央係咁諗,中央一早講咗啦,但中央唔係咁講,而係講出四大要求」。

對於民建聯、工聯會等已表明支持林鄭,他會否覺得林鄭九成九當選時,胡國興指「唔知」,「唔好以為開咗個票箱就以為係完,要點埋票先係既」。被問到對一旦落選有何計劃時,胡國興指沒有想過。

早前提名胡國興的民主派工程界選委黎廣德今日亦陪同胡國興落區,他指希望多謝胡官過去幾個月努力,又指由於自己屬「進步工程」團隊,一開始已決定綑綁投票,按策略性方式在首輪投票支持曾俊華。黎廣德指個人很感謝胡官努力,今次投票方式亦突顯小圈子選舉的荒謬,因胡官的政綱其實最符合香港人需要。

被問到為何改撐曾俊華時,黎廣德指,因為所有團隊都有一凌駕性的訴求,就是令林鄭月娥代表的梁振英路線落敗,故首輪投票若集中支持曾俊華,最大機會令林鄭落選,「只不過因為咁嘅策略性考慮下,我地迫不得己會投畀曾俊華。」

一格照片,一個故事,Follow蘋果Instagram!
BannerBanner