隔牆有耳:
葉建源搞聯署甩轆 - 李八方

更新時間 (HKT): 2017.03.31 05:20

自從林鄭月娥當選之後,議會瀰漫住一股「柒柒柒」效應,民主派議員都好似深受影響喎,先唔講噚日朝早立法會無厘頭流會,只因原本要動議議案嘅公民黨郭家麒遲到,民主黨林卓廷點人數,結果搞到流會收場。前日教育界立法會議員牽頭搞跨黨派聯署促撤小三TSA,除了泛民全體議員,醫學界獨立議員陳沛然、新民黨3名議員、經民聯梁美芬同石禮謙都參與聯署。

解釋因通訊有誤

立法會兩大陣營罕有聯手,點知出現「蝦碌」,寫漏咗謝偉俊、潘兆平同吳永嘉等3個建制派獨立議員,認真尷尬。葉建源(圖)噚日出席商台節目就趁機為此事鄭重致歉,皆因喺通訊上有誤,佢以WhatsApp向議員逐一查詢,但有議員用email回覆,佢就遺漏咗。一同出席節目嘅新民黨田北辰食住花生搭嗲,話要解決呢個問題,相信都要有個group齊晒70個立法會議員喇。

一格照片,一個故事,Follow蘋果Instagram!
BannerBanner