【父親節】誤認母男友作生父20年 女哭訴:想死之前見一面

更新時間 (HKT): 2017.06.18 17:54

「我淨係好想問佢點解唔主動搵我,係咪已經唔記得咗我?」自小家庭離異的秀雯甫開口便淚眼婆娑,想像若能找到生父,這是她人生最想問的問題。多年來從沒慶祝過父親節,甚至到20多歲才發現,一直認錯別人做生父。沒有任何線索可依,就只有父親「王雙元」一個名字,現時41歲的她幽幽的說,「我真係想死之前見佢一面」。

不堪天天被打,秀雯自中二起不斷離家出走,「瞓街又試過,瞓喺朋友屋企又試過……總之唔返屋企就得」。到20多歲與母親吵架,她意外得悉一個真相,「有一日同啊媽鬧交,佢先話你邊有見過你老豆姐,個係啊邊個(母親男友)咋嘛」。原來當初相中那個抱著她的男人,只是母親其中一任男友,20多年,她一直錯認別個男人做生父。抱著破滅的幻想過了10年,秀雯說到30歲時,尋生父的念頭又再變得強烈,「有時睇電視自己會諗,有冇咁親啊可以成家人晚晚一齊食飯,又我挾餸俾你你挾餸俾我」,她開始在內地天涯等論壇發帖,希望能找到一點消息,可惜全無回響。

對於父親的離開,秀雯說沒有一絲恨意,反而是舅父的說話最讓她氣憤,「最hurt(傷心)都係自己舅父話『你自己老豆都唔要你啦』,我好執著呢句說話」。她說聽婆婆憶述,父親從前行船四海為家,曾有一次回南丫島探望,只是被公公趕走,「所以我好嬲我舅父,我話你係我老豆咩,你又知佢話唔要我?」

倘若婆婆記憶屬實,那父親為何最終還是離開自己?秀雯頃刻淚如雨下,「佢咩嘢原因(唔要我)都唔緊要啊……我淨係想知佢係咪唔記得咗有我呢個女,我點都係佢第一個女丫。」

訪問這天,公園內盡是活潑蹦跳的小孩,偶爾轉身投向父母懷中撒嬌,對秀雯來說都是不可複製的記憶。來到父親節,雖然她對能找到生父不抱太大期望,但在淚水中將經歷娓娓道出,或許也讓有相似經歷的人,在這節日少點孤單。

如有任何相關消息,或希望尋找生母、親兒,可致電9332 0424或電郵 info@look4mama.com 聯絡Winnie。

一格照片,一個故事,Follow蘋果Instagram!
BannerBanner